Elemento ng Maikling Kwento

 

Elemento ng Maikling Kwento

 Elemento ng Maikling Kwento

          Ang mga elemento ng kuwento ay nagsisilbing gabay sa mga mambabasa upang mas maintindihan nila ang kwentong binasa.

          Ito ay anyo ng panitikan na nagsasaad ng isang buong kwento na kayang tapusing basahin sa isang upuan lamang. Ang maikling kwento ay kadalasang sinusulat upang madulot aliw sa mga mambabasa at magturo ng mga aral sa buhay.

          Mayroong walong(8) elemento ng maikling kwento. Ang mga ito ay ang tauhan, tagpuan, banghay, kaisipan, suliranin, tunggalian, at paksang diwa.

          Tatalakayin sa artikulong ito ang walong(8) elemento ng maikling kwento at kanilang mga kahulugan.

 

1.    Tauhan – Ito ay tumutukoy sa mga panauhin sa kwento. Likha ng mga manunulat ang kanyang mga tauhan. May pangunahing tauhan kung kanino nakasentro ang mga pangyayari at mga pantulong na tauhan.

 

2. Tagpuan – Ito ay tumutukoy kung saan naganap ang kwento. Dinadala ng may-akda ang mambabasa sa iba't ibang lugar, sa iba't ibang panahon kung saan at kailan nagaganap ang mga pangyayari. 

 

3. Banghay – Ito ay tumutukoy sa pagkakasunod-sunod ng mga pangyayari sa kwento. Mayroong limang(5) bahagi ang banghay:

·         Panimula – Kung saan at paano nagsimula ang kwento.

 

·         Saglit na Kasiglahan – Ito ay ang panandaliang pagtatagpo ng mga tauhan sa kwento. Inihahanda sa bahaging ito ang mga mambabasa sa pagkilala sa mga pagsubok na darating sa buhay ng mga tauhan 

 

·         Kasukdulan – Dito na nangyayari ang problema sa kwento. Ito ang pinakamataas na uri ng kapanabikan. Dito nahihiwatigan ng bumabasa ang mangyayari sa pangunahing tauhan, kung siya'y mabibigo o magtatagumpay sa paglutas ng suliranin. 

·         Kakalasan – Ito ay tumutukoy sa parte kung saan unti-unti nang naaayos ang problema. Ito ang kinalabasan ng paglalaban. Sumusunod ito agad sa kasukdulan.

·         Wakas – Ito ay tumutukoy kung paano nagwakas o natapos ang kwento. Tinatawag na trahedya ang wakas kapag ang tunggalian ay humantong sa pagkabigo ng layunin o pagkamatay ng pangunahing tauhan. Tinatawag na melodrama kapag may malungkot na sangkap subalit nagtatapos naman nang kasiya-siya para sa mabubuting tauhan.

 

4. Kaisipan – Ito ay ang mensahe ng maikling kwento sa mambabasa.

 

5. Suliranin – Ito ay tumutukoy sa problemang ikinakaharap ng tauhan sa kwento. Tumutukoy ito sa paglalabanan ng pangunahing tauhan at sumasalungat sa kanya. Ang tunggalian ay maaaring Tao laban sa kalikasan, Tao laban sa sarili, Tao laban sa Tao/lipunan. 

 

7. Tunggalian – Ito ay maaaring tao laban sa tao, tao laban sa sarili, tao laban sa lipunan, o tao laban sa kalikasan.

 

            8. Paksang Diwa – Ito ay ang pinaka-kaluluwa ng kwento.